Bilten nou pran lapawòl

« Nou pran lapawòl », se yon zouti pou kontinye lit pou mas yo soti nan je wè bouch pe, pou moun sispann pale pou nou. Depi 1994, SAKS ap reyalize bilten sa a, kidonk lane 2012 la fè 18 lane depi “Nou pran Lapawòl” ap akonpaye mouvman kominikasyon popilè a kòm yon zouti edikasyon popilè. Bilten an soti chak 2 mwa.

Bahamas, yon lòt defi pou otorite ayisyen yo.

Se premye novanm ki sot pase a otorite nan peyi Bahamas yo pran desizyon pouse do tout sitwayen ilegal lakay yo prensipalman ayisyen yo. Dapre pastè Maxo Joseph ki se prezidan Vizyon pou lòt Ayiti (VIHAMO), otorite Bahamas yo pa gen okenn respè pou dwa ayisyen yo. Ti moun tankou granmoun, ti bebe 6 mwa viktim anba desizyon sa a.

Si dokiman enpòtan te ka sèvi zouti defans imigran sa yo, l ap difisil pou anpil nan yo paske responsab yo elimine paspò yo ki pako menm rive nan dat pou fini epi mete yo nan prizon annatandan yo tounen yo ann Ayiti. Se yon desizyon ki frape plizyè santèn sitwayen k ap viv nan Bahamas ki gen papa oubyen manman yo ayisyen.

Ki reyaksyon otorite ayisyèn yo

Devan sitiyasyon sa a minis afè etranjè ak Kil la Duly Brutus ki gen yon responsablite dirèk fè konnen gouvènman Martelly ak Lamothe ap dirije a pa ka fè anyen nan desizyon Bahamas pran kont sitwayen ilegal k ap viv lakay li. Pito se mezi ki pou pran pou anpeche ayisyen yo al pran imilyasyon nan peyi etranje. Se nan tout rejyon Amerik la koze ayisyen san papye ap bay pwoblèm. Se apwòch global k ap chache nan mitan otorite ayisyèn yo dapre minis afè etranjè ak Kil la Duly Bruts.

Eske sa vle di paske ayisyen yo ilegal nenpòt kote yo ye yo dwe viktim ?.

Desizyon pou pouse do ayisyen san papye yo mete deyò nan Bahamas sanble tèt koupe ak desizyon illegal, gwo ponyèt repiblik dominikèn toujou pran kont sitwayen ayisyen yo lakay li. Pandan tan sa a poko gen desizyon klè bò kote dirijan ayisyen yo ki pa ta dwe ap rete tann Bahamas voye moun sa yo retounen paske anpil nan yo pa fèt nan peyi a, yo pa konn Ayiti menm si yo se ayisyen.

Timoun sa yo ki nan prizon k ap tann pou voye yo Ayiti deja gen gwo pwoblèm paske yo pako konnen ki kote yo prale, kisa y ap vin fè. Sitiyasyon difisil popilasyon ayisyèn nan ap viv chak jou yo kapab vin pi mal toujou ak ogmantasyon rapatriman fòse konpatriyòt sa yo k ap soti nan Bahamas. Nan kèk peyi nan rejyon an tankou : Brésil, Chili, Equateur, Guadeloupe, Curaçao, Pérou, Bolivie ak lòt, lavi a pa pi fasil pase sa, men sitwayen yo pito ale pase yo rete ap viv sitiyasyon mizè a lakay yo.

Voir aussi:

  • Bilten Janvye-Mas 2012
  • Site conçu et réalisé par AtelierWeb du Groupe Medialternatif
    © Tous droits reservés - Mars 2012

    Enstitisyon patnè SAKS
    REFRAKA, PAJ, ICKL, PAPDA, POHDH, ITECA, SOFA

    Enstitisyon ki apiye SAKS
    Broederlijk- DelenWacc, Développement et Paix, IMS, UNESCO, AJWS, Entraide et Fraternité

    SAKS se  manm AMARC ak WACC.

    Ang ri Richard Jules al riyèl Levasseur # 21 A- Delmas 75
    Pòtoprens Ayiti W.I.- Bwat Postal 15639 - Petyonvil
    Telefòn : (509) 2945-64 22 / 3170-6422 - Imèl: saks@saks-haiti.org