Apre 2 jounen travay, soti 11 rive 12 me 2012 la, Asosyasyon Medya Kominotè Ayisyen yo (AMEKA) soti ak yon nouvo komite nan tèt li pou dirije l. Se Marie Guyrleine Justin, dirijan REFRAKA ki gen mayèt la nan men l. Li ranplase Sony Estéus ki t ap dirije komite sa nan kad yon manda pwovizwa. Kòdonatris tou nèf la vin reprezantan dirèk Asosyasyon Medya Kominotè yo (AMARC) ann Ayiti. Akote Guyrleine genyen : Benoit Cilencieux, Arnold Philidor, Paulès Noel, Lecton Termisias, Estinord Josner, Odney Joachimnan nan (...)

Chak ane depi 1er me rive anpil moun ap sonje kijan jounen sa a te konn pase ki pèdi figi dantan l chak jou pi plis. Ane sa a ankò leta a pa twò prezan. Akote ekspozisyon pwodwi nan ministè agrikilti nan Damyen, mach pasifik Kolektif òganizasyon popilè yo, pa t gen twòp aksyon ki gen pou wè ak latè, ak travay nan peyi a. Moun ki te la avan yo di te konn gen distribisyon zouti agrikòl bay peyizan, elèv lekòl te nan randevou plante pye bwa nan tout tèt mòn. Tradisyon sa yo ap pèdi chak ane. Men, sa pa anpeche kèk òganizasyon make l (...)